Авыл 3 сентябрь 2016 20:11

Буада шикәр чөгендере ала башладылар

Беренчеләрдән булып “Ак Барс Буа”лылар эшкә керешкән

Скопировать ссылку

(Казан, 3 сентябрь, "Татар-информ"). Буада беренчеләрдән булып “Ак Барс Буа” агрофирмасының 3 нче номерлы филиалында шикәр чөгендере алу эшләренә керештеләр, дип хәбәр итә районның "Байрак" газетасы.

Биредә татлы тамырларны “Фролово” бүлекчәсе кырыннан ала башлаганнар. Филиалның үсемлекләрне саклау буенча агрономы Наил Кәримов әйтүенчә, 137 гектарлы әлеге кырда әлегә һәр гектардан уртача уңыш 300 центнер тирәсе тәшкил итә. Биредә эшне төгәлләгәч, Степановка кырына күчеп эшлиләр. Ә иртә срокта уңышны барлык мәйданның өчтән берендә – 450 гектарда җыеп алачаклар. Аннан 5 “Ропа” һәм 1 “Холмер” комбайныннан торган механикалаштырылган отряд агрофирманың башка филиалларына күчәчәк.

“Ак Барс Буа” агрофирмасыннан соң “Авангард”та да шикәр чөгендерен казырга керешкәннәр.

#шикәр чөгендере #Буа

Сәхифәләр

Буада шикәр чөгендере ала башладылар