Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Буада саксыз тәмәке тарту аркасында шәхси йортта ир-ат янып үлгән
Янгын турында хәбәр кичә кич килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Ут белән көрәшүчеләр, урынга килгәч, Шәйдуллин урамында бер катлы шәхси йорт януын ачыклаган. Ялкын телләре өйнең эчен һәм түбәсен ялмап алган.
Соңрак ут белән көрәшүчеләр янгынны сүндергән. Аның мәйданы 64 квадрат метр тәшкил иткән.
Кисәүләрне аралаган вакытта йорт хуҗасының мәетен табып алганнар. 68 яшьлек ир-ат өйдә ялгызы яшәгән.
Янгын саксыз тәмәке тарту аркасында чыккан дип фаразлана.
Ведомствода искәртүләренчә, урын өстендә, аеруча исерек хәлдә, тәмәке тартмаска кирәк. Тәмәке тарта торганда урында төпчек савыты булырга тиеш.
Кызыклы яңалыкларны күзәтеп бару өчен Телеграм-каналга язылыгыз