Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Буада махсус операция катнашучысы истәлегенә хоккей турниры узды
Буа районының «Арктика» спорт сараенда махсус операция катнашучысы Айрат Сираҗиев истәлегенә хоккей турниры узды. Турнир әлеге бозда уйнаган һәм тренер булган Айратның хыялын чынга ашыру булды.
Ярышларда алты команда катнашты, аларның һәрбересе дә Айрат Сираҗиевка бәйле. 2008-2010 елларда туучылардан торган «Арктика» командасы Айрат шәкертләреннән торган, ә «Арктика»ны тәмамлаучылар» кайчандыр аның җитәкчелегендә белем алган балаларны берләштергән.
«Буа.Дуслар» командасы Айратның балачак дусларыннан төзелгән, ә «Апас» командамын Айратны кечкенәдән үк белгән Ирек Яраханов җитәкчелегендә күрше районның боз мәктәбе тәкъдим иткән.
Турнирны Буа районы башкарма комитеты җитәкчесе Ленар Шакирҗанов ачты, бу вакыйганың традициягә әверелүен теләде. Ул Айратның әти-әнисенә – Ринат һәм Вәсилә Сираҗиевларга улларына биргән тәрбия биргән өчен рәхмәт белдерде.
Хоккейчының әтисе Ринат Сираҗиев әлеге турнирны улының хыялын чынга ашыру дип атады.
«Айрат мондый уен оештырырга хыялланды. Ялга кайткан саен ул боз сараена ашыга иде. «Бозда уйнаганымны махсус операция еш искә төшерәм, шайба куып йөрисе килә», дип сөйли иде. Аңа моны күрергә насыйп булмады, шуңа күрә аның хыялын тормышка ашырган һәркемгә рәхмәтлебез», – дип сөйләде ул.
Бу көнне уенда Айратның туганнары, дуслары һәм хәрби иптәшләре җан атты. «Арктика» боз сарае директоры Гомәр Әхмәтҗәнов Айрат мәктәбендә тәрбияләнүчеләр уенда югары дәрәҗә күрсәтүне дәвам итә диде. «Сез аны һәр уенда бик сагынабыз, «Айрат шулай эшләр иде», «Айрат бу мизгелне кулдан ычкындырмас иде», дип уйлыйбыз. Тыныч йокла, син безнең йөрәкләрдә», – диде ул.
Турнирда 2008-2010 елгыларның «Арктика» командасы җиңү яулады, икенче урынга «Буа.Дуслар» командасы, өченче урынга «Апас» командасы лаек булды. Күчмә кубокны җиңүче алды, ә призер-командалар медальләр һәм грамоталар белән бүләкләнде. Айратның әти-әнисе һәр командага уллары истәлегенә кубок тапшырды.
Кызыклы яңалыкларны күзәтеп бару өчен Телеграм-каналга язылыгыз