Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Буада мәшһүр дин әһеле Нургали Хәсәновка багышлап конференция һәм спектакль әзерләнә
Буада күренекле дин әһеле, мәгърифәтче Нургали Хәсәновның 170 еллыгы уңаеннан халыкара фәнни-гамәли конференция үткәрелә.
«Буа театры Нургали Хәсәнов истәлегенә «Дәрвиш» дип аталган спектакль әзерли. Конференция кунакларына ул ябык форматта күрсәтеләчәк», дип хәбәр итә Буа театрның матбугат үзәге.
Халыкара конференциядә ТР Диния нәзарәте башлыгы, Татарстан Республикасы мөфтие Камил Сәмигуллинның катнашуы көтелә.
Фәнни-гамәли конференция Буа театры тарафыннан гамәлгә куелган «Апас, Тәтеш, Буа – мәдәни дуга» халыкара сәнгать фестивале программасына кертелгән.
- Нургали Хәсәнов - Урта Иделдә танылган дин галиме, ишан, җәмәгать эшлеклесе. Мәгърифәтчелек эшчәнлеге белән татар халкы тарихында тирән эз калдырган. Мәшһүр дин галиме Шиһабетдин Мәрҗанинең якын фикердәшләреннән саналган һәм эшчәнлеге белән революциягә кадәрге чорда күп абруйлы шәхесләр белән бәйле булган. Нургали Хәсәнов утыз елдан артык Сембер губернасы Буа шәһәре мәдрәсәсен җитәкләгән, ахун, имам вазифаларын башкарган, бик күп кешеләргә гыйлем һәм рухи тәрбия биргән. XIX гасыр азагы – ХХ гасыр башында аның байтак укучылары имам һәм танылган татар җәмәгать һәм дин эшлеклеләре булып халыкка уңышлы хезмәт иткән. Галимгә казанышлары өчен Россия һәм Госманлы империясе хакимияте тарафыннан югары дәүләт бүләкләре бирелгән.
Кызыклы яңалыкларны күзәтеп бару өчен Телеграм-каналга язылыгыз