Җәмгыять 28 май 2023 06:00

Буада комлык ясарга ниятлиләр

Скопировать ссылку

Бүгенгә Буа районында һәм шәһәрдә су коену өчен аерым җиһазланган куркынычсыз урын юк. Шуңа күрә комлык проекты әзерләнгән, ул тикшерү уза. Бу хакта «Байрак» сайтында хәбәр ителә.

«Нарат урманы янында Чаңгы базасы тирәсендә куаклар артында элек күл булган. Ул хәзерге вакытта ләмләнгән, камышлар белән капланган. Үзе җир асты чишмәләреннән туклана. Мәйданы бер гектар чамасы тәшкил итә. Әлеге сулыкны чистартырга кирәк булачак. Әгәр күлне су белән туендыруда җир асты чыганаклары гына җитмәсә, скважина казу варианты да бар. Менә шул урын комлык өчен кулай, дип уйлыйбыз», – диде район башкарма комитеты җитәкчесенең беренче урынбасары Илдус Гыйззәтов.

Күл ярларына ком җәю, шезлонглар кую, пляж волейболы, пляж футболы мәйданчыклары төзү планлаштырыла. Шул урыннан ерак түгел кафе бинасы салына башлады. Ул да инфраструктураны тулыландырыр, дип көтелә. Шулай ук коткару җайланмалары белән коткаручылар кизү торуы да оештырыла.

«Әлегә комлык проекты экспертиза каравына тапшырылды. Ул хупланган очракта, беренче эш итеп күлне чистартуга керешергә кирәк булачак. Моңа проект әзер», – диде ул.

#Буа

Сәхифәләр

Буада комлык ясарга ниятлиләр