Буада җитәкчеләр «Теләкләр чыршысы»ннан балаларның хатларын укыды
Скопировать ссылку
Буа район хакимияте бинасы фоесында район башлыгы Ранис Камартдинов һәм оешма - предприятия җитәкчеләре «Теләкләр чыршысы» дигән акция кысаларында Яңа ел алдыннан төрле сәбәпләр аркасында авыр хәлдәге гаиләләрдә тәрбияләнүче балаларга ярдәм йөзеннән әлеге чарада катнашты. Бу хакта «Байрак» сайтында хәбәр ителә.
Яңа ел чыршысына балалар язган теләкләр хаты эленгән иде. Һәрберсе «уенчык» хатларны алып, укыды һәм алар озакламый балаларның өйләренә барып, алар сораган бүләкләрне тапшырачак.
Ранис Камартдинов кабат шәһәрдә яшәүче Ясминә Сабирҗанова янына барачак. Ул узган ел кызчыкны ноутбук биреп сөендергән иде. Ә быел кызчык хәрәкәтләнү өчен җайланма сораган.