Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Буада гаилә тарихларын иң яхшы белүчеләрне ачыклдылар
Буа шәһәренең 1 номерлы сәнгать мәктәбендә традицион «Гаилә тарихында гасырлар кайтавазы — Тарихта без эзлебез» республика фестиваленең муниципаль этабы узды. Бу хакта «Байрак» газетасы хәбәр итә.
Татарстан Республикасының архив эше буенча дәүләт комитеты тарафыннан нәселне өйрәнү традицияләрен үстерү, гаилә бәйләнешләрен һәм буыннар дәвамчылыгын ныгыту максатында оештырылучы конкурста Аксудан Идиятуллиннар-Мөлековлар, Ырыңгыдан Фоминнар-Петровлар, Чуаш Киштәгеннән Емельяновлар катнашкан.
Фестивальнең беренче этабы кысаларында фойеда күргәзмә оештырылган – анда гаиләләр жюри әгъзаларын үзләренең нәсел агачлары белән таныштыра, милли һәм гаилә ризыкларын тәкъдим итә.
Аннан командалар үзләренең визит карточкаларын һәм иҗади чыгышларын күрсәтә. Аларны Татарстан Республикасының архив эше буенча дәүләт комитеты, Казан мәдәният институты вәкилләреннән торган мәртәбәле жюри бәяли. Бүләкләгәнче аның рәисе Оксана Комиссарова буалыларның конкурска көчле әзеләнүләрен һәм җиңүчене ачыклыйсы җиңелләрдән булмавын билгеләп үтә. Бәйгене алга таба дәвам итү хокукы Идиятуллиннар-Мөлековларга бирелә. Икенче урында Емельяновлар, өченчедә Фоминнар-Петровлар гаиләләре. Аларга мактау грамоталары һәм сертификатлар тапшырыла.
Кызыклы яңалыкларны күзәтеп бару өчен Телеграм-каналга язылыгыз