Буада гөшер садакасын тараталар
Буа шәһәрендә яшәүче 25 аз керемле гаиләгә, ятим балаларга, мохтаҗ гаиләләргә бәрәнге, кишер, кабак тараттылар.
(Буа, 24 сентябрь, "Татар-информ", "Байрак"). Буа мөхтәсибәте мәдрәсә шәкертләре белән берлектә халыктан җыелган гөшер садакасын таратты. Бу турыда район басмасы хәбәр итә.
Буа шәһәрендә яшәүче 25 аз керемле гаиләгә, ятим балаларга, мохтаҗ гаиләләргә бәрәнге, кишер, кабак тараттылар.
“Киләсе елга да мондый саваплы чараны оештырырбыз иншаллаһ,”- ди мөхтәсибәт матбугат сәркатибе Шамил хәзрәт Вәлиуллин. Ислам динендә мөхтаҗларга булышу хуплана.
Ай буе Буа шәһәре авыл имамнарына, аеруча Апас, Кайбыч, Чүпрәле районнарына мәдрәсәгә оештырып гөшер садакаларын алып килгәннәре өчен, Буа мөхтәсибәте олы рәхмәтен белдерә.