Җәмгыять 5 октябрь 2018 04:00

Буада булачак солдатларга хокук дәресләре бирделәр

Сария Сабурская килеп туарга мөмкин булган проблемаларны һәм аларны хәл итү юлларын күрсәтте.

Скопировать ссылку

(Буа, 5 октябрь, "Татар-информ", "Байрак" ).Буада булачак солдатларга хокук дәресләре бирделәр. “Чакырылучылар хокуклары” дигән исем астындагы дәресне Татарстан Республикасында кеше хокуклары буенча Вәкил Сария Сабурская һәм Татарстан Республикасы хәрби комиссары Сергей Погодин үткәрделәр, дип яза җирле басма.

Мәдәни үсеш үзәгендә узган әлеге чарада Идел аръягы районнарыннан чакырылучылар һәм аларның әти-әниләре катнашты. Сәламләү сүзе белән муниципаль район башлыгы Марат Җаббаров чыгыш ясады. Сергей Николаевич Россия Федерациясе Кораллы көчләре структурасы, хәрби техника, яңалыклар, армия хезмәте, контракт буенча һәм альтернатив гражданлык хезмәт итү турында cөйләде. Сария Сабурская чакырылучыларның хокукларын барлады, үзеңне борчыган сораулар белән кая мөрәҗәгать итәргә кирәклеген әйтте, килеп туарга мөмкин булган проблемаларны һәм аларны хәл итү юлларын күрсәтте. Армия хезмәтен үтәп кайткан Евгений Ерилин, Константин Охотин егетләрне армия хезмәтен лаеклы үтәргә чакырдылар.

#Буа #Байрак

Сәхифәләр

Буада булачак солдатларга хокук дәресләре бирделәр