Буа театры волонтерлар эзли
Волонтерлар май аенда Буа шәһәрендә үтәчәк “Диалог киңлегендә” III халыкара милли театрлар фестивале өчен кирәк.
(Казан, 28 февраль, «Татар-информ», Рузилә Мөхәммәтова). Буа театры “Диалог киңлегендә” халыкара милли театрлар фестиваленә волонтерлар эзли. Бу хакта театр директоры Раил Садриев хәбәр итә.
“Диалог киңлегендә” III халыкара милли театрлар фестивале 11 – 20 май көннәрендә Буа шәһәрендә үтәчәк. Фестиваль кысаларында Россиянең атказанган артисты Юрий Гальцевның “Иҗат кичәсе” дә үтә.
Волонтерлар фестивальгә чакырылган артистларны озатып йөриячәк, спектакль барганда тамашачыны каршы алачак һәм башка шундый эшләрдә театрга ярдәм итәчә.
Үз теләкләре белән театрга ярдәм итәргә алынучылар арасыннан чит тел белүчеләргә өстенлек бирелә. Яшь чикләре 18 – 30 дип билгеләнгән.