«Буа талиясе» IV театраль лабораториясе быел сентябрь аенда узачак
Әлеге эскизлар 7 сентябрьдә Буада театр тәнкыйтьчеләренә һәм журналистларга күрсәтеләчәк.
Скопировать ссылку
(Казан, 18 август, «Татар-информ», Рузилә Мөхәммәтова). Быел Буа театрының «Буа талиясе» театраль лабораториясе 2-6 сентябрьдә үткәреләчәк дип планлаштырыла. Бу хакта театрның матбугат үзәге хәбәр итә.
«Буа Талиясе» IV театраль лабораториясенә дүрт режиссер чакырылып, алар эскизлар әзерләячәк. Эскиз өчен Мольерның «Тартюф», Искәндәр Сираҗиның «Гыйсметдин тәүбәсе», Виктор Драгунскийның «Денискины рассказы» әсәрләре карала. Шулай ук, Гаяз Исхакыйның бер әсәре сайланачак.
Әлеге эскизлар 7 сентябрьдә Буада театр тәнкыйтьчеләренә һәм журналистларга күрсәтеләчәк.