Буа районында коткаручылар 17 яшьлек егеткә ярдәм күрсәткән
Егетне Буага алып килеп, полиция хезмәткәрләренә тапшырганнар.
Скопировать ссылку
(Казан, 16 гыйнвар, «Татар-информ»). Буа районында коткаручылар 17 яшьлек егеткә ярдәм күрсәткән, дип хәбәр иттеләр «Татар-информ» агентлыгына Россия Эчке эшләр министрлыгының ТР буенча Баш идарәсе матбугат хезмәтендә.
Кичә Казан-Буа трассасының 132нче чакрымында 1нче зона эзләү-коткару отряды хезмәткәрләре Иске Чүпрәле авылыннан Буага җәяү барырга чыккан, салкында туңган егетне шәһәргә алып килеп, полиция хезмәткәрләренә тапшырган.