Хәвеф-хәтәр 24 март 2019 12:16

Буа районында бер хатын-кыз мунчада ис тиеп агуланган

Карлы авылында яшәүче 42 яшьлек хатын-кызны хастаханәгә озатканнар.

Скопировать ссылку

(Казан, 24 март, «Татар-информ»). Татарстанның Буа районында мунчада ис тиеп агуланган хатын-кызны хастаханәгә озатканнар. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

«Кичә кич ашыгыч хезмәтнең 112 бердәм номерына Карлы авылында 42 яшьлек хатын-кызның мунчадан чыккач үзен начар хис итүе турында хәбәр килгән», – диелгән ведомство хәбәрендә.

Зыян күргән хатын-кызны Буа Үзәк район хастаханәсенә озатканнар.

Белгечләр бу хәлнең сәбәпләрен ачыклый.

#ис тигән

Сәхифәләр

Буа районында бер хатын-кыз мунчада ис тиеп агуланган