Буа районы игенчеләре урып-җыюны ике атна эчендә төгәлләргә уйлый
Барлык мәйданның 53 процентыннан уңыш җыелган.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Буа, 25 август, "Татар-информ",Чулпан Шакирова). Буа районы аграрийлары ике атна эчендә урып-җыюны тәмамларга уйлый. Бу хакта "Татар-информ" хәбәрчесенә Буа районы авыл хуҗалыгы идарәсенең механизация буенча консультанты Рәис Юнысов әйтте.
"Районда бөртеклеләр 54200 гектар мәйданда үсә. Бүген барлык мәйданның 53 процентыннан 114 мең тонна ашлык җыеп алынды. Уртача уңыш гектарыннан 40 центнер чыга. Район кырларында 150 комбайн эшли. Быел тагын биш яңа " Акрос" алдык. Бер физик комбайнга 372 гектар мәйдан туры килә", – диде ул.
Тармак белгече сүзләренчә, быел Буа игенчеләре 205-210 мең тонна ашлык җыярга уйлый.
