Буа районында 86 яшьлек агач остасы кибетнеке кебек җиһазлар ясый
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Буа районында Карлы авылында яшәүче 86 яшьлек Җәүдәт Гыйльманов кибетнеке кебек җиһазлар ясый. Ул 65 ел агач эше белән шөгыльләнә. Бу хакта «Байрак» сайтында хәбәр ителә.
14 яшьтән бирле аның кулыннан агач төшмәгән. Матур, зәвыкле итеп урындык, өстәл, карават, шкаф һәм башка җиһазлар ясаган.
«Төрле бизәкләр сайлыйм, татар милли бизәкләрен дә алам, геометрик фигураларны да кулланам», - ди оста.
Соңгы вакытта җиһазлар күп ясап булмый, картлык үзен сиздерә, дип зарланды бабай. Җәүдәт Гыйльмановның агачтан чокып җиһазлар ясау серләре турында беләсегез килсә, «Байрак» (»Знамя», «Ялав») газетасының 28 июль саныннан укый аласыз.