Буа районы башлыгы Лисичанскига һәм махсус хәрби операция зонасына ярдәм илткән
Татарстанның Буа районы башлыгы Ранис Камартдинов Лисичанск халкына һәм махсус хәрби операциядә катнашучыларга ярдәм илтте. Бу атнада ул мобилизацияләнгән һәм контракт буенча хезмәт итүче якташлары янына баручы колоннаны җитәкләде. Бу хакта Буа районы матбугат хезмәте хәбәр итә.
«Хәрбиләр, Лисичанск халкы һәм шәхсән үз исемемнән районда яшәүчеләргә, предприятиеләргә, иганәчеләргә гуманитар йөк җыюда ярдәм күрсәткән өчен рәхмәт белдерәм. Шефлыктагы төбәктә яшәүчеләр һәм хәрби якташлар безнең ярдәмгә мохтаҗ, шуңа күрә гуманитар ярдәм җыюны туктатмыйбыз!» - дип язган муниципалитет башлыгы Tелеграм-каналында.
Фото: © Буа районы матбугат хезмәте
Буалылар хәрбиләргә беренче чиратта кирәкле әйберләр - җылы кием, одеял, көнкүреш химиясе җыйган.
Моннан тыш, хәрби хезмәткәрләргә өч «Нива Шевроле» автомобиле һәм «УАЗ», шулай ук 20 рация, квадрокоптер, электрогенераторлар, мич-буржуйка, медицина носилкалары һәм кыр шартларында кирәкле башка әйберләр тапшырганнар.
Фото: © Буа районы матбугат хезмәте
«Хәрбиләр күтәренке рухта. Дөрес, «туганнарны сагындык», диләр. Ләкин якыннары һәм барлык буалылар җыйган исемле посылкалар аларның күңелләрен күтәрде. Хәрбиләр районның барлык битараф булмаган кешеләренә ярдәм күрсәткәннәре өчен зур рәхмәт әйтә!» - диде Ранис Камартдинов.