Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бу атнада Татарстанда һава температурасы +23 градустан -2 градуска кадәр төшәчәк
Татарстанның Гидрометеорология үзәге якындагы берничә көнгә һава торышын фаразлады. Синоптиклар сишәмбе һәм чәршәмбе көннәрендә республикада +23°С җылы булуын, ә ял көннәрендә салкыннар көтелүе турында хәбәр итә.
Һава торышын өйрәнүче белгечләр сүзләренчә, сишәмбе, 26 апрельдә, Татарстан циклонның җылы секторында тотрыксыз һава массасында булачак. Төнлә бераз яңгыр яварга мөмкин, ләкин көндез һәм кичен яшенле яңгыр көтелә. Җилнең көче секундына 15-20 метр булыр дип фаразлана. Һава температурасының төнлә +5..+10 градус чамасы булачагы билгеле. Көндез +18..+23 градуска кадәр җылылык көтелә.
Чәршәмбе, 27 апрельдә, җылы тотрыксыз һава торышы сакланачак. Шулай ук кыска вакытлы яңгырлар да булырга мөмкин. Көчле җил саклана, аның тизлеге секундына 15-20 метрга кадәр җитәчәк.
Төньяк һава агымнары республика өстеннән пәнҗешәмбе көнне – 28 апрельдә узачак. Яңгыр яву һәм яшен булу ихтималы саклана. Ә менә көндез һава +9..+14 градустан артык җылынмаячак.
Фаразлар буенча, җомга һәм шимбә көннәрендә республикада һава торышы югары атмосфера басымы йогынтысында булачак. Явым-төшем көтелми. Шул ук вакытта төнлә температура -2.. +3 градуска кадәр була. Көндез термометрда терекөмеш баганаларының +8.. +13 билгесенә кадәр күтәрелүе фаразлана.
Моңа кадәр республиканың Гидрометеоүзәге Татарстан халкын яшенләр көтелүе һәм көчле җил турында кисәткән иде.
Кызыклы яңалыкларны күзәтеп бару өчен Телеграм-каналга язылыгыз