Бу атнада Әстерханда Сабан туе була
Бу атнада Әстерханда Сабан туе була
Скопировать ссылку
(Казан, 7 май, "Татар-информ"). 13 майда Әстерханда Үзәк стадионда Сабан туе була. Бу турыда Бөтендөнья татар конгрессы матбугат хезмәте хәбәр итте.
Милли бәйрәмне “Дуслык” татар милли мәдәнияте җәмгыяте оештыра.
Халык күңел ачулары программасында милли уеннар һәм ярышлар, көрәш, үзешчән коллективлар һәм Татарстаннан артистлар чыгышлары булачак. Шулай ук халык һөнәрчелеге товарлары һәм милли тәм-томнар сату-күргәзмәсе дә оештырыла? диелгән әлеге хәбәрдә.