Мәдәният 10 ноябрь 2014 17:10

Бу атнада Казанга “Төрквидение” халыкара конкурсында катнашучылар килә башлый

“Евровидение” конкурсының төрки төрдәше ярымфиналы һәм финалы Казанда 19 һәм 21 ноябрьдә уздырыла

Скопировать ссылку

(Казан, 10 ноябрь, «Татар-информ»). 16 ноябрьдә "Turkvision-2014" ("Төрквидение") II Халыкара төрки дөнья телевизион җыр конкурсының беренче катнашучылары килә.
Искәртеп узабыз: “Казан – төрки дөнья мәдәни башкаласы-2014" программасы кысаларында, “Евровидение” конкурсының төрки төрдәше ярымфиналы һәм финалы Казанда 19 һәм 21 ноябрьдә уздырыла. Казанга фестивальгә 250 дән артык кунак чакырылган.

“Мәйдан” музыкаль телеканалы директоры Дамир Дәүләтшин белдергәнчә, иртән 17 ноябрьдә җирәбә салалар, аның буенча һәр катнашучы чыгыш ясый торган номерын беләчәк. “Төрквидение” фестивалендә җиңү өчен 24 кеше көрәшәчәк, аларның 1се – Казаннан.

19 ноябрьдә фестивальнең ярымфиналында 12 ил вәкиле сайлап алына. 21 ноябрьдә фестивальнең финалы Гран-при иясен, җиңүчеләрне ачыклаячак. Ярымфиналны һәм финалны Европа каналларын да кертеп, 38 дөньяви телеканал күрсәтәчәк.

Казанда “Төрквидение” фестивале финалына билетлар 200-800 сумнан сатыла.

Сәхифәләр

Бу атнада Казанга “Төрквидение” халыкара конкурсында катнашучылар килә башлый