Фән һәм мәгариф 22 май 2023 09:45

Бу атнада Казан мәктәпләрендә 19 мең укучыга соңгы кыңгырау чыңлаячак

Скопировать ссылку

Атна дәвамында Татарстан башкаласының барлык мәктәпләрендә уку елы тәмамланачак. Соңгы кыңгыраулар 19 меңгә якын укучы өчен чыңлаячак. Бу хакта эшлекле дүшәмбедә Казанның мәгариф идарәсе җитәкчесе Ирек Ризванов сөйләде.

«166 мең бала укуларын тәмамлый. Бу атнада шәһәрнең барлык мәктәпләрендә 9 һәм 11 сыйныфларда укучы 19 меңгә якын укучыга соңгы кыңгырау чыңлаячак», – дип билгеләп үтте Ризванов.

Барлык чыгарылыш укучыларын, докладчы сүзләренчә, йомгаклау имтиханнары көтә. Аларга әзерлек системалы оештыру эшен таләп итә.

«Бердәм дәүләт имтиханнарының (ЕГЭ) 25 пункты, төп дәүләт имтиханнарының (ОГЭ) 53 пункты, шулай ук дәүләт чыгарылыш имтиханнарын үткәрүгә тугыз пункт әзерләнгән. Моннан тыш, 82 пункт өй шартларында оештырылган. Дәүләт йомгаклау аттестациясен үткәргәндә процедураның объективлыгына һәм процесста катнашучыларның иминлегенә аерым игътибар бирелә», – дип белдерде докладчы.

Сәхифәләр

Бу атнада Казан мәктәпләрендә 19 мең укучыга соңгы кыңгырау чыңлаячак