news_header_top_970_100
Руc Тат
16+
news_header_bot_970_100
Икътисад 12 октябрь 2009 12:47

Бу атнада Казан “Евромани-2009” II Халыкара инвестиция форумын кабул итә

Делегатларның төп игътибары төбәкләр үсеше үзенчәлекләренә, инвестиция проектларын финанслауның нәтиҗәле мехъанизмнарына биреләчәк

Скопировать ссылку
(Казан, 12 октябрь, “Татар-информ”). Бу атнада Казан тагын бер халыкара чараны кабул итәчәк. Татарстан башкаласында 14 октябрьдә “Евромани – Казан 2009” II Халыкара инвестиция форумы ачыла. “Euromoney Conferences” яклавында уздырылучы бу чара инвестиция һәм инновация өлкәләрендә хезмәттәшлек стратегиясе, хакимият белән бизнесның глобаль икътисад шартларында хезмәттәшлеге хакында фикерләшү мәйданы буларак уйланылган. Аның максаты – дөнья җәмәгатьчелеген Татарстанның икътисади мөмкинлекләре белән якыннан таныштыру, республикага перспективалы проектларын гамәлгә ашыру өчен потенциаль инвесторлар җәлеп итүгә юл ачу.

ТР Икътисад министрлыгыннан алынган мәгълүматларга караганда, быел “Евромани-Казан 2009” форумында катнашучыларның төп игътибары глобаль икътисади тотрыксызлык йогынтысы таралу шартларында төбәкләр үсеше үзенчәлекләренә, инвестиция проектларын финанслауның нәтиҗәле механизмнарына, финанс ресурсларын җәлеп итүнең традицион һәм альтернатив инструментларына биреләчәк. Форум эшендә Россия һәм чит илләрдән 500 дән артык делегат катнашыр дип көтелә. Алар - икътисадның реаль секторында эшләүче предприятиеләр, инвестиция, иминият, идарә компанияләре, әйдәп баручы банк структуралары, финанс институтлары, шулай ук Россия һәм халыкара эксперт агентлыклары вәкилләре.





autoscroll_news_right_240_400_1
autoscroll_news_right_240_400_2
news_bot_970_100