Архив 19 июнь 2016 11:20

Британия басмасы Казанны Россиянең иң креатив шәһәре дип атаган

Татарстан башкаласы, Мәскәү белән Краснодарны узып, тугыз шәһәрдән торган рейтингта беренче булган

Скопировать ссылку

(Казан, 19 июнь, «Татар-информ»). Британиянең Calvert хәйрия фонды журналы Россиянең иң креатив шәһәрләре дайджестын чыгарган.

Басма төзегән тугыз баскычтан торган исемлектә беренче урынны Татарстан башкаласы алган. Автор сүзләренчә, шәһәр "төрле мәдәниятләр кайнап торучы казан" белән гәүдәләнелә.

Шәһәрнең өстенлекләре арасында Россиянең өченче башкаласы дигән рәсми статусы, шәһәрнең меңъеллыгын һәм Универсиаданы уңышлы үткәрү аерым күрсәтелә. Рейтингта Иннополис та атап кителгән.

Россиянең иң креатив шәһәрләре рейтингына Краснодар, Мәскәү, Түбән Новгород, Новосибирск, Санкт-Петербург, Төмән, Воронеж һәм Екатеринбург кергән.

Искәртәбез: The Calvert Journal басмасы рәсми рәвештә 2013 елда бастырыла башлаган. Журнал Лондонның Calvert 22 фонды башлангычы белән гамәлгә куелган, ул Бөекбритания башкаласында Россия рәссамнары күргәзмәсен оештыра.

(Гөлшат Ганиева тәрҗемәсе)

Сәхифәләр

Британия басмасы Казанны Россиянең иң креатив шәһәре дип атаган