БРИКС саммиты сәбәпле, Казан көллиятләре һәм югары уку йортлары дистанцион укытуга күчте
БРИКС саммиты сәбәпле, бүген Казанның көллият, техникум һәм югары уку йортлары студентлары дистанцион укуга күчте. Мондый форматта уку 27 октябрьгә кадәр дәвам итәчәк. Бу хакта «Татар-информ»га Татарстан Мәгариф һәм фән министрлыгы матбугат хезмәтендә хәбәр иттеләр.
Шул ук вакытта Казан федераль университеты элегрәк дистанцион укуга күчте — 1 сентябрьдән 17 октябрьгә кадәр студентларны мөстәкыйль эш рәвешендә теоретик укыту чоры билгеләнде.
«Укытучылар интернет-платформаларда студентлар белән атна саен консультацияләр үткәрә, студентларны әзерләү сыйфатын тикшерә, теоретик белем бирү барышына төзәтмәләр кертәчәк», — диелгән университет хәбәрендә.
Теоретик укулар тәмамланганнан соң 18 октябрьдән 31 октябрьгә кадәр КФУ студентлары каникулда була. 1 ноябрьдән алар тулы күләмдә көндезге дәресләргә керешәчәк.
БРИКС саммиты сәбәпле, Казан мәктәпләрендә нәтиҗәсендә көзге каникул көне үзгәртелде. Укучылар 21-28 октябрь көннәрендә ял итә. Татарстанның башка муниципалитетлары мәктәпләрендә көзге каникуллар 28 октябрьдән 6 ноябрьгә кадәр узачак.