Херсон өлкәсе терлекчелек предприятиесе директоры БПЛА һөҗүме вакытында һәлак булган
Скопировать ссылку
Херсон өлкәсенең «Асканийское» терлекчелек предприятиесе җитәкчесе Виталий Плугатарев һәлак булган. Бу хакта төбәк губернаторы Владимир Сальдо хәбәр итте.
Фаҗига бүген булган. Дошман пилотсыз очкычы Плугатаревның автомобиленә һөҗүм иткән. Предприятие директоры алган җәрәхәтләрдән шунда ук һәлак булган.
«Ул тумышы белән Белозерка бистәсеннән, тәҗрибәле җитәкче һәм галим иде, бөтен тормышын авыл хуҗалыгына багышлады. Херсон өлкәсенең аграр тармагын үстерүгә зур көч куйды. Виталий Анатольевичның туганнары һәм якыннарының олы кайгысын уртаклашам. Аның гаиләсенә барлык кирәкле ярдәм күрсәтеләчәк», – дип язган Сальдо МАКС мессенджерында.