Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бөтендөнья татар конгрессы «Солдат альбомы – 2026» иншалар бәйгесен игълан итте
Бөтендөнья татар конгрессы «Солдат альбомы – 2026» иншалар бәйгесен игълан итте. Конкурс Муса Җәлилнең тууына 120 ел тулу уңаеннан үткәрелә. Бу хакта ВКонтакте социаль челтәрендәге Бөтендөнья татар конгрессы конкурслары төркемендә хәбәр ителә.
Бәйгене Бөтендөнья татар конгрессы башкарма комитеты һәм «Татарлар – без бергә» газетасы оештыра. Ул 2026 елның 1 февраленнән 24 февраленә кадәр дәвам итәчәк. Конкурсның максаты – яшь буында герой-шагыйрь Муса Җәлилнең иҗатына хөрмәт уяту һәм патриотизм хисе тәрбияләү.
Конкурс өч яшь категориясендә үткәреләчәк:
- 5-8нче сыйныф укучылары арасында;
- 9-11нче сыйныф укучылары арасында;
- 18 яшьтән өлкәнрәкләр арасында.
Бәйгегә «Мусага хат» темасына иншалар кабул ителә. Конкурс эшләрен ВКонтакте социаль челтәрендәге Бөтендөнья татар конгрессы конкурслары төркемендә урнаштырырга кирәк.
Конкурс нәтиҗәләре март башында игълан ителәчәк. Барлык мәгълүмат Бөтендөнья татар конгрессы сайтында һәм ВКонтакте социаль челтәрендәге Бөтендөнья татар конгрессы конкурслары төркемендә урнаштырылачак. Җиңүчеләрне бүләкләү көне шулай ук аерым хәбәр ителәчәк.
Кызыклы яңалыкларны күзәтеп бару өчен Телеграм-каналга язылыгыз