Бөрбаш авылында мөселман балалар Сабан туе була
Бәйрәмдә ир-атларның түбәтәйдән, хатын-кызларның яулыктан булулары сорала.
Скопировать ссылку
Бөрбаш авылында Сабан туе, 2018 ел
16 июльдә Балтач районы Бөрбаш авылында Россиякүләм мөселман балалар Сабан туе узачак. Бәйрәм быел 16 нчы тапкыр үткәрелә.
Бәйрәм программасында балаларның Коръән аятьләре һәм догалар укуы, милли уеннар була.
Сабан туена ир-атларга түбәтәйдән, хатын-кызларга яулыктан килү мәҗбүри шарт булып тора.
Көрәш ярышлары балалар һәм яшүсмерләр арасында төрле авырлык категорияләренә бүленеп узачак. Үз авырлыкларында чемпион калучылар арасында скутер уйнатыла.
Әлеге бәйрәмнең тагын бер төп үзенчәлеге – бәйрәмгә килгән халыкның бергәләшеп мәйдан уртасында өйлә намазы укуы.
Сабан туе иртәнге 10.00 сәгатьтә башлана.