Борһанов Казанда WorldSkills Russia-2018 финалы катнашучыларын сайлап алу ярышларын ачты
Ярымфиналда Россиянең - 57 төбәгеннән, шул исәптән Татарстанны да кертеп, 148 конкурсант һәм 140 эксперт катнаша.
(Казан, 17 май, «Татар-информ»). Казанда ТР премьер-министр урынбасары - мәгариф һәм фән министры Рафис Борһанов катнашында VI «Яшь профессионаллар» WorldSkills Russia - 2018 Илкүләм чемпионаты финалында катнашучыларны сайлап алу ярышларын ачу тантанасы булды. Чара Төбәкара компетенцияләр үзәге – Казан мәгълүмати технологияләр һәм элемтә техникумы базасында узды.
«Бәйгедә яшүсмерләр дә, өлкәнрәк категориягә караган вәкилләр дә тәкъдим ителгән. Әлеге чараны үзебезнең республикада, аның башкаласында кабул итәбез һәм моңа куанмый мөмкин түгел. Алар Татарстанда алгарыш этәргечләре булып тора», - дип белдерде Рафис Борһанов сәламләү чыгышында.
«Безгә ТР Президенты да, "Яшь профессионаллар" ("Ворлдскиллс Россия") берлеге дә ярдәм күрсәтте», - диде ТР мәгълүматлаштыру һәм элемтә министрының беренче урынбасары Дмитрий Вандюков.
«Бу хәрәкәт безгә нәрсә бирә? Без дөньяның иң яхшы стандартларын үз күзләребез белән күрә, үзебезнең белем бирү стандартларын аларныкы белән чагыштырып карый алабыз. Безнең максат – көндәшлеккә сәләтле булу», - дип сүзен йомгаклады министр.
- Ярымфиналда Россиянең 57 төбәгеннән, шул исәптән Татарстанны да кертеп, 148 конкурсант һәм 140 эксперт катнаша.
