news_header_top
16+
news_header_bot
news_top

Большунов 50 километрга марафонда Россия чемпионы булды

Большунов 50 километрга марафонда Россия чемпионы булды
Фото: t.me/ski_tatarstan

Татарстан Республикасын тәкъдим итүче өч тапкыр олимпия чемпионы Александр Большунов 2026 елда Көньяк Сахалинда узучы чаңгы ярышлары буенча Россия чемпионатында ирекле стиль белән 50 километрга масс-стартта беренче урынны яулады.

Большунов дистанцияне 2 сәгать 15 минут 52,5 секундта үтте. Икенче урында Ханты-Манси автоном округыннан Андрей Мельниченко, ул җиңүчедән 40,3 секундка артта калган.

Өченче урынны Коми Республикасыннан Евгений Семяшкин алды, ул җиңүчедән 41,2 секундка артта калды.

Топ-20гә тагын дүрт татарстанлы кергән. Сергей Ардашев 1 минут 47,4 секундка артта калып бишенче булып килде. Виктор Иванов тугызынчы урынны алды (артта калу – 3 минут 15,0 секунд), Антон Тимашов – 16 нчы (артта калу – 5 минут 34,1 секунд), ә Андрей Льков – 18 нче (артта калу – 6 минут 1,4 секунд).

Чаңгы ярышлары буенча Россия чемпионаты Көньяк Сахалинскида 25 февральдән бирле уза һәм бүген, 8 мартта тәмамлана.

news_right_1
news_right_2
news_bot