Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Болгарда ЮНЕСКО химаясендәге волонтерлар лагере ачылды
Лагерьнең максаты – яшьләрне Болгар тарихи-архитектура комплексын саклау мәсьәләсе белән кызыксындыру.
(Казан, 28 июль, “Татар-информ”). Бүген Татарстанның Болгар тарихи-археология комплексында тантаналы рәвештә ЮНЕСКО химаясендә халыкара волонтерлар лагере ачылды.
Проект Татарстанның "Яңарыш" тарихи һәм мәдәни һәйкәлләрне торгызу республика фонды һәм Казан (Идел буе) федераль университетының Халыкара багланышлар институты “Бөтендөнья мәдәни мирасы” ресурс үзәге ярдәмендә оештырылган. Лагерьнең максаты – яшьләрне Болгар тарихи һәм архитектура комплексын саклау мәсьәләсе белән кызыксындыру, республика мәдәни мирас объектларында волонтер хезмәтен кертеп җибәрү.
Волонтерлар археология казылмаларында, артефактларны реставрацияләү һәм консервацияләүдә, шулай ук Болгар дәүләт тарихи-архитектура музей тыюлыгына килүче туристлар белән эшләүдә катнаша. Лагерь программсында лекцияләр, семинарлар һәм кыр дәресләре каралган.
Әлеге проект ЮНЕСКО Бөтендөнья мирасы үзәгендә бәйге аша узган һәм дөньяның 32 илендә оештырылачак 50 волонтер лагерьлары исемлегенә кергән.
Кызыклы яңалыкларны күзәтеп бару өчен Телеграм-каналга язылыгыз