Җәмгыять 15 декабрь 2017 10:15

Болгарда ятим балаларга яңа төзелгән йорттан фатир ачкычлары тапшырылды

Яңа йорт Пионерлар урамында урнашкан.

Скопировать ссылку

(Казан, 15 декабрь, «Татар-информ»). Болгарда ятим балаларга яңа төзелгән йорттан фатир ачкычлары тапшырылды, дип хәбәр итә «Новая жизнь» газетасы.

Яңа йорт Пионерлар урамында урнашкан. Аның гомуми мәйданы 152,8 квадрат метр тәшкил итә. Бина заманча материаллар кулланып, яңа технология буенча төзелгән. «СМ-СтройИнвест» подряд оешмасы белгечләре билгеләп үткәнчә, эксперимент рәвешендәге әлеге проект уңышлы гамәлгә ашырылган.

Яңа фатир алган Шабановлар, Карповлар, Борзихиннар һәм Куликовлар гаиләләрен котларга Кыш бабай белән Кар кызы да килгән иде. Барысын да өй туйлары белән тәбрик итеп, нәниләргә Яңа ел бүләкләре тапшырылды. Бәйрәмдә шулай ук Спас районы башлыгы Камил Нугаев, подряд оешмасы генераль директоры Рим Сабитов һәм аның инженеры Илдар Зәкиев катнашты.

Илья Шабанов әлеге йортны сафка бастыруда ярдәм күрсәткән Татарстан Президенты Рөстәм Миңнехановка, район җитәкчелегенә, төзүчеләргә рәхмәт белдерде.

Йорт республикада гамәлгә ашырыла торган Президент программасы буенча төзелгән.

#президент программасы #болгар #ятим балалар

Сәхифәләр

Болгарда ятим балаларга яңа төзелгән йорттан фатир ачкычлары тапшырылды