Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Болгарда конференциядә Россиядә теология үсеше турында фикер алышачаклар
Биредә шулай ук Франция, Һиндстан, Берләшкән Гарәп Әмирлекләре, Пакистан, Төркия, Казахстан, Үзбәкстаннан да делегатлар катнашуы көтелә.
(Казан, 31 октябрь, «Татар-информ»). 5-7 ноябрьдә Болгар ислам академиясе базасында «Хәзерге заман мәгариф системасында Ислам белеме һәм Ислам теологиясе: проблемалар һәм перспективалар» дигән Халыкара фәнни-гамәли конференция була. Бу хакта оештыручылар хәбәр итә.
Россиянең кайбер төбәкләреннән, якын һәм ерак чит илләрдән, шул исәптән Франция, Һиндстан, Берләшкән Гарәп Әмирлекләре, Пакистан, Төркия, Казахстан, Үзбәкстаннан делегатлар катнашыр дип көтелә.
Конференциядә Россиядә теологиянең формалашуы, теологик (ислам) белем бирү өлкәсендә норматив-хокукый җайга салу, хәзерге заман теологик тикшеренүләренең төп юнәлешләре, Россия һәм чит ил югары уку йортларында Ислам теологиясен укыту үзенчәлекләре һәм башка темалар каралачак.
Конференцияне Болгар ислам академиясе, Санкт-Петербург дәүләт университеты Россия Фән һәм югары белем Министрлыгы һәм Татарстан мөселманнары Диния нәзарәте ярдәмендә оештыра.
Кызыклы яңалыкларны күзәтеп бару өчен Телеграм-каналга язылыгыз