Җәмгыять 13 июль 2005 11:20

Болгарда археологларның халыкара семинары үтәчәк

Скопировать ссылку

(Казан, 13 июль, «Татар-информ», Дания Моисеева). 23-29 июльдә Татарстанда «Идел-Кама буендагы урта гасыр чоры авыллары: аларның барлыкка килүе һәм үсеше үзенчәлекләре» дигән Халыкара кыр семинары үткәрү планлаштырыла. Ул Болгар тарихи тыюлыгында һәм археологларның казыну урыннарында барачак.

Семинарда катнашучы галимнәр Биләр, Болгар һәм Сувар шәһәрлекләре белән танышачак. Анда иртә урта гасыр чорының Идел буендагы сәүдә-һөнәрчелек авыллары, әлеге чордагы Идел буе шәһәрләренең үзенчәлекләре һәм Идел-Кама буендагы авылларның урнашу спецификасы турындагы темаларга «түгәрәк өстәл» сөйләшүе дә булачак. Галимнәр шулай ук сусаклагыч зоналарындагы археологик объектларны саклап калу һәм өйрәнү проблемаларын да кузгатырга җыена.

Сәхифәләр

Болгарда археологларның халыкара семинары үтәчәк