Дин 18 ноябрь 2016 17:09

Болгар ислам академиясенең терәк конструкцияләре төзелеше 90 процентка башкарылган

Төзелеш тәмамлангач, ике катлы бинаның гомуми мәйданы 12 мең квадрат метрны тәшкил итәчәк.

Скопировать ссылку

(Казан, 18 ноябрь, "Татар-информ") Болгарда ислам академиясе бинасы төзелеше дәвам итә. Бүгенге көндә бинаның терәк конструкцияләрен торгызу эшләре 90 процентка башкарылган. Эчке якта түшәмне ясау, ә тышкы якта диварларны җылыту буенча эшләр бара, дип хәбәр итә Татарстанның Дәүләт төзелеш күзәтчелеге инспекциясе матбугат хезмәте.

Ведомство белгечләре төзелеш-монтажлау эшләренең һәм төзелеш материалларының сыйфатын документацияләр таләпләренә җавап бирүен тикшергән. Тикшерү барышында вак җитешсезлекләр генә ачыкланган, төзүчеләр аларны тиз арада юк итәргә алынган.

Мәгълүм булганча, объектны төзү белән “Татарстанның Баш инвестиция-төзелеш идарәсе” дәүләт казна учреждениесе шөгыльләнә.

#Болгар ислам академиясе

Сәхифәләр

Болгар ислам академиясенең терәк конструкцияләре төзелеше 90 процентка башкарылган