Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Болгар ислам академиясе оештыручылары составына Кавказ мөселманнары да керәчәк
Путин Исмаил Бердиевның бу тәкъдимен хуплаган.
(Казан, 25 гыйнвар, “Татар-информ”, Рәмис Латыйпов). Болгар Ислам академиясе оештыручылары составына Төньяк Кавказ мөселманнарының координация үзәге дә керәчәк. Бу хакта Россия мөселманнары дини шурасы җитәкчесе Әлбир Крганов “Татар-информ” хәбәрчесенә интервьюсында белдерде.
Россия президенты Владимир Путинга бу тәкъдим белән Россия мөселман лидерлары белән очрашу вакытында Төньяк Кавказ мөселманнарының координация үзәге рәисе Исмаил Бердиев чыккан.
“Президент бу тәкъдимне хуплады”, - диде Әлбир Крганов.
Хәзерге вакытта Болгар ислам академиясенең дүрт оештыручысы бар – Россия Федерациясе мөселманнарының Диния нәзарәте (Мәскәү, мөфти Равил Гайнетдин), Үзәк Диния нәзарәте (Уфа, мөфти Тәлгать Таҗетдин), Рәфыйк Мөхәммәтшин җитәкчелегендәге ислам мәгарифе советы, Татарстан мөселманнарының Диния нәзарәте (Казан, Камил Сәмигуллин). Оештыручылар советы рәисе – Камил Исхаков.
Кызыклы яңалыкларны күзәтеп бару өчен Телеграм-каналга язылыгыз