Спорт 25 ноябрь 2009 17:22

Бокс бәйгеләрендә Уфа егете дөнья чемпионы булды

Ростов–на–Дону шәһәрендә бокс буенча узган Россия чемпионатында, иң авыр үлчәмдә көч сынашучылар арасында, халыкара спорт остасы Нияз Фәйзуллин ил чемпионы булды

Скопировать ссылку

(Уфа, 25 ноябрь, “Татар-информ”, Фәнис Фәтхуллин). Башкортстаннан татар егете Нияз Фәйзуллин чираттагы зур җиңүен яулады.
Ростов–на–Дону шәһәрендә бокс буенча узган Россия чемпионатында, иң авыр үлчәмдә көч сынашучылар арасында, халыкара спорт остасы Нияз Фәйзуллин ил чемпионы булды.
Башкортстан дәүләт университетында белем алучы Нияз моңа кадәр дә югары уңышларга ирешә килде. Мисал өчен, Казанда талиплар арасында бокс буенча узган III дөнья чемпионатында да Нияз Фәйзуллин зур җиңүен яулаган иде. Ул абруйлы ярышларда Нияз Фәйзуллин беренче бәйгедән үк үзен ышанычлы тотты, аннан инде башка алышларда да, җиңелү белмичә, финалга кадәр барып җитте. Нияз Фәйзуллин - Башкортстан дәүләт университетының бишенче курс талибы. Философия һәм социология факультетын тәмамлап килә ул. Спортта уңышлары моңа кадәр дә зур иде. Ике тапкыр дөнья чемпионы, берничә тапкыр Европа чемпионы исемнәре бар аның.

Сәхифәләр

Бокс бәйгеләрендә Уфа егете дөнья чемпионы булды