Бөгелмәнең Соколка тавы территориясендә 150 нарат һәм каен үсентесе утырттылар
Скопировать ссылку
Бөгелмәнең Соколка тавы ландшафт паркы территориясендә «Яшь гвардия» активистлары һәм волонтерлар Бөек Ватан сугышында Җиңүнең 79 еллыгын бәйрәм итү кысаларында 150 нарат һәм каен үсентесе утыртты. Бу хакта «Бөгелмә авазы» хәбәр итә.
Акциянең максаты — Бөек Ватан сугышы елларында һәлак булган һәр кешегә багышлап агач утырту. Барлыгы 27 миллион үлгән кеше истәлегенә 27 миллион агач!
Быел «Хәтер бакчасы» халыкара акциясе зур булмаган юбилеен билгеләп үтә. Татарстан Республикасында ул бишенче тапкыр үткәрелә. 4 ел эчендә акциядә 83 мең кеше катнашты, алар 3,5 миллион үсенте утыртты. Волонтерлар туган республикабыз экологиясе турында кайгыртуга зур өлеш кертәләр.