Бөгелмәдә яшәүчене 100 яшьлеге белән котладылар
Бөгелмәдә яшәүче Мария Александровна Федотова мактаулы юбилеен билгеләп үтте. Бу хакта «Бөгелмә авазы» хәбәр итә.
Ул Бөек Ватан сугышын үсмер кыз булып каршылый. Бөтен сугышны тылда, кырларда эшли, ә аннары, гомер буе, Бөгелмә районының төрле предприятиеләрендә хезмәт куя.
Ире, Бөек Ватан сугышында катнашкан һәм ветеран Василий Николаевич Федотов белән алар биш бала тәрбияләп үстерәләр. Бүгенге көнгә Мария Александровнаның 4 оныгы, 6 оныкчыгы һәм 4 оныгының оныкчыгы бар!
Тормышның катлаулы булуына карамастан, Мария Александровна оптимизм саклаган, аның күзләре җылылык белән тулган, ә елмаюы тирә-юньдәгеләрнең барысына да кәеф бирә.
Озын гомерле хатын-кыз янына Башкарма комитет җитәкчесе вазифаларын башкаручы Дамир Фәттахов килгән. Ул бөгелмәне туган көне белән котлады, аңа озын гомер, ныклы сәламәтлек һәм бәхет теләде, шулай ук гаилә әгъзаларына юбилярны кайгырткан мәхәббәтләре, ихтирамнары һәм җылылыклары өчен рәхмәт белдерде.