Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бөгелмәдә яшәүче стюардесса «Авиамода королевасы» булды
Мәскәүдә «Топ стюардесс + авиа Мисс 2025» конкурсының финалында Бөгелмәдә яшәүче стюардесса Анастасия Быстрова «Авиамода королевасы» титулына лаек булды. Конкурска бөтен Россиядән 1 712 гариза кергән, ә кастингка бары тик 215 катнашучы гына сайлап алынган, шуларның 32се финалга чыккан. Бу хакта «Бөгелмә авазы» яза.
Бу конкурс стюардессалар гына түгел, ә пилотлар, авиадиспетчерлар һәм авиация вузлары укытучылары да катнашкан беренче конкурс булды. Анастасия үзе турында болай дип сөйләде: «Мин аэропорт булган Бөгелмә шәһәрендә тудым һәм яшим. Мин актив һәм маҗараларга әзер, минемчә, бортпроводник өчен кыю һәм җаваплы булу мөһим».
Балачактан ук Анастасия очучыларның гаилә традицияләре белән илһамланган стюардесса булырга хыяллана. Аның гаиләсе, бабасыннан башлап әтисе белән тәмамлап, барысы да — пилотлар. Көллиятне тәмамлагач, Настя Казандагы бортпроводниклар мәктәбенә укырга керә һәм, таныклык алып, укуын уңышлы тәмамлый.
Төбәк авиакомпаниясендә эшләү аның хыялын чынга ашырды. «Конкурста җиңү минем өчен — тырышлык нәтиҗәсе һәм үземнең көчле якларымны ачу мөмкинлеге», — дип йомгаклады Анастасия.
Кызыклы яңалыкларны күзәтеп бару өчен Телеграм-каналга язылыгыз