Бөгелмәдә «Токмач шоу» милли бәйгесе булды
Скопировать ссылку
Бөгелмәнең «Татар мәдәнияте үзәге»ндә беренче тапкыр урта һәм югары уку йортлары кызлары (студентлары) арасында «Токмач-шоу» милли конкурсының финалы узды.
«Токмач шоу — 2023» конкурсы яшь буынны милли аш-су традицияләренә җәлеп итүгә юнәлдерелгән. Конкурсантлар үзара иң җитез, акыллы, оста исемнәре өчен ярышты. Алар үзләре һәм гаиләләре турында татар телендә таныштырды, гаилә традицияләре турында сөйләде, милли аш-су турында сорауларга җавап бирде. Бу хакта Бөтендөнья татар конгрессының матбугат хезмәте хәбәр итә.
Әлеге проектның кульминацион этабы токмач кисү булды. Кызлар нәзек һәм матур итеп токмач кисте.