Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Бөгелмәдә тимер юлчыларга ялган больничныйлар биргән фельдшерны штрафка тартканнар
Татарстан Республикасының Бөгелмә шәһәр судында Бөгелмәдә яшәүче хатын-кызга карата ялган документ биргән һәм вак-төяк ришвәтчелек өчен хөкем карары чыгарылган. Суд аңа 15 000 сум күләмендә штраф билгеләгән, дип хәбәр иттеләр Идел буе транспорт прокуратурасында.
Ачыкланганча, 2023 елның февралендә «ЖД-Медицина» шәхси поликлиникасының профилактика кабинеты фельдшеры тимер юлның ике хезмәткәренә законсыз төстә больничный кәгазьләре биргән өчен 8 500 сум акча алган.
Россия законнары нигезендә, хокук тәртибенә яки әхлакый нигезләргә каршы килгән килешүләрнең көче беткән дип санала. Мондый килешүләр буенча алынган бөтен нәрсә дәүләт файдасына конфискацияләнә.
Шуңа бәйле рәвештә, Кама транспорт прокуроры хөкем ителүчедән законсыз алынган сумманы түләттерү турында шикаять бирде. Татарстанның Бөгелмә шәһәр суды җәмәгать судьясы прокурорның таләбен канәгатьләндерде.
Район прокуратурасы суд карарының үтәлешен контрольдә тотачак.
Кызыклы яңалыкларны күзәтеп бару өчен Телеграм-каналга язылыгыз