Спорт 19 апрель 2024 10:17

Бөгелмәдә махсус операция геройлары истәлегенә багышланган бокс турниры була

Скопировать ссылку

25 апрельдә Бөгелмәнең «Юность» спорт мәктәбендә махсус хәрби операция геройлары истәлегенә бокс буенча республика турниры башлана. Турнирда 100гә якын боксчы катнашачак.

«Бөгелмәдә бу турнир беренче тапкыр була, ул традицион булыр дип өметләнәм. Махсус хәрби операция геройлары истәлегенә багышланган ярышларны без Татарстанның күп шәһәрләрендә уздырабыз. 2023 елның мартында Казанда үткәрелде. Аннары турнир Лениногорскида һәм Түбән Камада булды. Бу шәһәрләрдә ярышлар традицион булачак.

Бүгенге көндә Татарстан боксының күп кенә шәкертләре, тренерлар һәм спортчылар махсус хәрби операциядә катнаша. Без аларга мөмкин булганча гуманитар ярдәм күрсәтәбез. Кызганыч, һәлак булганнар да бар. Һәм махсус хәрби операция геройлары истәлегенә багышланган турнирлар - аларның сугышчан казанышларын хөрмәт итү һәм искә алу билгесе, шулай ук яшьләрне патриотик тәрбия бирү элементларының берсе булып тора.

Безнең өчен бүген махсус хәрби операция геройларын үсеп килүче буынның белүе һәм хәтерләве мөһим», - дип белдерде «Татар-информ» журналисты белән сөйләшүдә ТР Бокс федерациясе президенты һәм РФ Бокс федерациясе генераль секретаре урынбасары Сергей Игнатьев.

Ярышларның ачылу тантанасы 25 апрельдә 14.00 сәгатьтә планлаштырылган.

Сәхифәләр

Бөгелмәдә махсус операция геройлары истәлегенә багышланган бокс турниры була