Бөгелмә шәһәренең үзәк мәчетендә имамнар җыелышы узды. Очрашуның төп темасы - якынлашып килүче Корбан бәйрәменә әзерлек.
Чара Бөгелмә шәһәре һәм Бөгелмә районы имам-мөхтәсибе Рамил хәзрәт Хөснетдиновның сәламләү сүзе белән башланып китте. Ул шәһәр һәм район имамнарын бәйрәм намазын үткәрү тәртибе белән таныштырды. Бу турыда Бөгелмә муниципаль районы матбугат хезмәте хәбәр итә.
Чара барышында имамнарның үз мәхәлләләрендә башкарылган эшләр турында докладлары тыңланды.
Чара ахырында намазны җиңел һәм тиз уку өчен төзелгән кәгазь плакатлар таратылды. Ул плакатлар шәһәр һәм район мәчетләрендә теләгән һәр кешегә бирелә.