Бөгелмә муниципаль районы Башкарма комитеты җитәкчесе вазифасына конкурс игълан ителде
Скопировать ссылку
Бөгелмә муниципаль районы Советының 2024 елның 7 февралендәге XXXI сессиясенең 1 номерлы карары белән «Татарстан Республикасы Бөгелмә муниципаль районы Башкарма комитеты җитәкчесе вазифасына конкурс игълан итү турында» карар кабул ителде. Бу хакта «Бөгелмә авазы» хәбәр итә.
Конкурсантлардан документлар 2024 елның 9-28 февралендә Бөгелмә шәһәре, Гафиятуллин урамы, 7нче йорт, 315 бүлмә адресы буенча көн саен 8-17 сәгатьләрдә, ял көннәрендә 9-11 сәгатьләрдә муниципалитет бинасында кабул ителә. Белешмәләр өчен телефон: 8(85594) 4-38-65 (доб.132), 4-08-61.
Конкурс комиссиясе утырышы 2024 елның 5 мартында узачак.