Җәмгыять 18 гыйнвар 2026 15:17

Блокададагы Ленинградның меңнән артык ветераны өстәмә пенсия алды

Скопировать ссылку

Россиянең социаль фонды «Блокададагы Ленинградта яшәүче» билгесе булган меңнән артык ветеранга өстәмә пенсия билгеләде. Бу хакта «РИА Новости» хәбәр итә.

2025 елның октябреннән «Блокададагы Ленинградта яшәүче» статусы гадиләштерелгән тәртиптә бирелә. Фондта билгеләп үтүләренчә, бу күбрәк гражданнарга төрле ташламаларга, шул исәптән өстәмә пенсиягә хокук алырга мөмкинлек биргән.

Матбугат хезмәтендә картлык буенча иминият пенсиясеннән тыш билгеләнгән инвалидлык буенча пенсия ветераннарга социаль фонд бүлекләрендә индивидуаль рәвештә рәсмиләштерелгән, шул ук вакытта ветераннарга мөстәкыйль рәвештә мөрәҗәгать итәргә туры килмәгән, дип ачыклык керттеләр.

Моннан тыш, блокададагы ветераннар турындагы Федераль закон нигезендә айлык акчалата түләүләр, шулай ук Президент Указы нигезендә өстәмә матди тәэмин ителеш ала.

Барлык түләүләрне исәпкә алып, 2025 елның октябрендә ветеран-блокадачыларның уртача кереме аена 59 мең сумнан артык тәшкил иткән. 2025 елда түләүләр индексацияләр ярдәмендә 7 мең сумга диярлек арткан. 2026 елның гыйнварында блокададагы Ленинградта яшәүчеләрнең иминият пенсияләрен индексацияләү үткәрелде, ә февральдә айлык социаль акчалата түләү күләмен арттыру планлаштырыла.

Сәхифәләр

Блокададагы Ленинградның меңнән артык ветераны өстәмә пенсия алды