Сәясәт 22 май 2024 19:12

Песков Блинкенның Рәиси турында әйткән сүзләре турында: Моңа ышану авыр

Скопировать ссылку

Кушма Штатлар Дәүләт секретаре Энтони Блинкенның Иран Президенты Эбраһим Рәисинең үлеменә шатлануына ышану авыр. Бу хакта Россия лидерының матбугат сәркатибе Дмитрий Песков әйтте. Спикер сүзләренчә, мондый белдерүләрне уңайсыз һәм тупас дип атарга мөмкин.

Шул ук вакытта ул әлегә бу белдерүне оригиналда карамаганын өстәде. Ләкин Кремль вәкиле мондый тупаслыкның бөтен халыкка карата яңгыравын ассызыклады, дип китерә спикер сүзләрен ТАСС.

Исегезгә төшерәбез, Блинкен Сенатның Тышкы эшләр комитетындагы тыңлауларда Штатларның, рәсми кайгы уртаклашуларына карамастан, Иран Президентының үлеменә кайгырмавын белдерде. Ул иранлыларга дәүләт лидеры һәлак булганнан соң, мөгаен, яхшырак булгандыр, дип өстәде.

Элегрәк Песков Европа илләренең Палестинны тану нияте турында белдергән иде. Ул билгеләп үткәнчә, Россия, СССРның хокукый варисы буларак, бу дәүләтнең бәйсезлеген таный.

Сәхифәләр

Песков Блинкенның Рәиси турында әйткән сүзләре турында: Моңа ышану авыр