Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда 37 чыршы шәһәрчеге эшләячәк
Бу елны Казан районнарында 37 чыршы шәһәрчеге эшләячәк. Аларның күбесен декабрь башында кора башлаячаклар, чыршы шәһәрчеген ачу тантаналары Яңа ел алдыннан узачак. Бу хакта Казан мэриясе матбугат хезмәте хәбәр итә.
Бүген шәһәрдә беренче бәйрәм чыршысы балкый башлады инде. Яңа ел шарлары, якты йолдызчык һәм флаглар белән бизәлгән агач Мәскәү районындагы Химиклар мәдәният йорты янындагы мәйданда урнаштырылган.
Яңа ел чыршыларын шәһәрнең башка паркларында һәм скверларында декабрь башында күрергә мөмкин булачак.
Вахитов һәм Идел буе районнарында җиде яңа ел чыршысы куелачак. «Мирный» мәдәният йорты каршындагы мәйданчыкта бәйрәмнең төп бизәге булган чыршы агачы беренче тапкыр бизәләчәк, «Әкият» балалар үзәге каршындагы мәйданга якты утлар белән бизәлгән 10 метрлы чыршы куячаклар.
Совет районында 14 бәйрәм чыршысын, Киров һәм Мәскәү районнарында – 10, Яңа Савин һәм Авиатөзелеш районнарында – бишәр, «Иске шәһәр» префектурасы территориясендә бер чыршыны күрергә мөмкин булачак.
Чыршы шәһәрчекләрен ачу тантанасында шәһәр халкы өчен әкият геройлары катнашында театральләштерелгән бәйрәм тамашалары, концертлар, шулай ук Кыш Бабай һәм Кар Кызы белән очрашулар әзерләнә.
Чыршы шәһәрчекләре Казанның барлык районнарында да ясалачак, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз