Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бишенче чакырылыш Татарстан Дәүләт Советының чираттагы утырышы узачак көн билгеле
43нче утырышның көн тәртибенә 21 сорау кертелә.
(Казан, 12 ноябрь, "Татар-информ", Гөлнар Гарифуллина). Татарстан Республикасы Дәүләт Советының 43нче утырышы 19 ноябрьдә үтәчәк. Бу хакта ТР Дәүләт Советы президиумы утырышында билгеле булды.
Татарстанның Дәүләт Советы секретаре Лилия Маврина утырышның көн тәртибенә 21 сорау кертелүен әйтте. Гадәттәгечә, депутатлар өстәмәләре белән, сораулар саны артырга мөмкин.
"2019, 2020-2021 еллар план чорына Татарстан Республикасы бюджеты турында" закон проекты икенче укылышта каралачак.
"2016-2020 елларда, перспективада 2030 елга кадәр Татарстан транспорт комплексы үсеше стратегиясен тормышка ашыруны закон ягыннан тәэмин итү" темасына Хөкүмәт сәгате кертелә.
Беренче укылышка 9 закон проекты чыгарыла. Алар арасында халыкның санитар-эпидемиологик иминлеге, юл хәрәкәтен оештыру өлкәсендә аерым сорауларны җайга салу, шәһәр төзү эшчәнлеге, җирле үзидарә турында закон проектлары бар.
Кызыклы яңалыкларны күзәтеп бару өчен Телеграм-каналга язылыгыз