Биш көндә казанлылар 94 литр кан биргән
Шәһәрдә яшәүчеләр “Андрей” акциясе өчен кан бирделәр.
Скопировать ссылку
(Казан, 16 февраль, “Татар-информ”). 12-16 февральдә казанлылар 94 литр кан биргән, дип хәбәр итә Татарстан Сәламәтлек саклау министрлыгы матбугат хезмәте.
Шәһәрлеләр донор булып, Республика кан бирү үзәгендә узган “Андрей” акциясендә катнашты.
Акцияне онкология авыруларыннан интегүче татарстанлыларга ярдәм итү өчен, Андрей Протасның кызы Алла башлаган. Аның әтисе рак белән авырган һәм берничә ай донорлар каны белән генә яшәгән.
Бу көннәрдә “Элекон”, “Стелла” заводлары, “Заманча технологияләр” компанияләре консалтинг төркеме хезмәткәрләре һәм башка казанлылар акциядә катнашкан.