Биш елда Татарстанда 82 сөтчелек комплексы төзелде
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Соңгы биш елда Татарстанда барлыгы 51,4 мең сыерга исәпләнгән 82 сөтчелек комплексы һәм ферма төзелгән. Бу хакта «Татар-информ»га Татарстан Авыл хуҗалыгы һәм азык-төлек министрлыгы матбугат хезмәтендә хәбәр иттеләр.
«Республикада терлекчелек фермалары һәм комплекслары төзү буенча эш дәвам итә. Узган ел 10,6 мең башка исәпләнгән 19 сөтчелек комплексы файдалануга тапшырылды», - дип сөйләделәр министрлыкта.
Быел 6,2 мең башка исәпләнгән 8 шундый объект файдалануга тапшырылган инде. Алар Бөгелмә, Кукмара, Алабуга, Саба, Кайбыч, Баулы, Балык Бистәсе һәм Актаныш районнарында барлыкка килде.
Ел ахырына кадәр 12,8 мең башка исәпләнгән тагын 15 комплекс ачылачак.