«Курай» радиосы оештыручылары ешлыкның сатылачагы хакында белдерү чыгарган
«БИМ Радио» радиостанциясен оештыручылар сатып алучылар эзли.
(Казан, 19 май, «Татар-информ», Ксения Перепечнова). Казанда эшли торган «БИМ Радио» радиостанциясе ешлыкны сату турында игълан чыгарган. «Курай» радиосы да шушы оешмага карый. Әлеге игълан турыда «Татар-информ» агентлыгына радиостанция оештыручыларының вәкаләтле вәкиле Дмитрий Макаров сөйләде.
102,8 ешлыгында эшли торган радиостанциянең учредителе «Информационные системы» ҖЧҖ. Бу җәмгыятькә өч радиоканал керә: Казандагы «БИМ Радио» (102,8 FM), Әлмәттәге «БИМ Регион» (104,6 FM) һәм 73,97 FM ешлыгындагы «Курай» радиосы.
«Бу сату турында игълан түгел, ә разведка. Без потенциаль сатып алучы табу мөмкинлеге бармы икәнен тикшерәбез, шул гына. Әлегә сату турында сүз бармый. Суммаларны да әйтә алмыйм — бу сөйләшкәндә хәл ителә торган сорау, реаль сатып алучының реаль кызыксынуы булуына бәйле», — диде Макаров.